ಪುನೀತ್ ರಾಜ್‍ಕುಮಾರ್ ಹುಟ್ಟು ಹಬ್ಬದ ಪ್ರಯುಕ್ತ ಅಪ್ಪು ವೈಭವ
ಸುದ್ದಿ360 ದಾವಣಗೆರೆ, ಮಾ.17: ಶ್ರೀಹರ ಮ್ಯೂಸಿಕಲ್ ವರ್ಲ್ಡ್ ದಾವಣಗೆರೆ ಹಾಗೂ ಶ್ರೀನಿವಾಸ ದಾಸಕರಿಯಪ್ಪ ಇವರ ಸಹಯೋಗದೊಂದಿಗೆ ನಗರದ ಜಯದೇವ ವೃತ್ತದ ಬಳಿ ಇರುವ ಶಿವಯೋಗ ಮಂದಿರದಲ್ಲಿ ಮಾರ್ಚ್ 18ರಂದು ಸಂಜೆ 5ಕ್ಕೆ ‘ಅಪ್ಪು ಮ್ಯೂಸಿಕಲ್ ನೈಟ್’ ಕಾರ್ಯಕ್ರಮ ನಡೆಯಲಿದೆ ಎಂದು ಸಂಗೀತ ನಿರ್ದೇಶಕ, ಗಾಯಕ ಸುನೀಲ್ ಮೈರಾ ತಿಳಿಸಿದರು.
ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಪುನೀತ್ ರಾಜ್‍ಕುಮಾರ್ ಹುಟ್ಟು ಹಬ್ಬದ ಪ್ರಯುಕ್ತ ಅಪ್ಪು ವೈಭವ ಕಾರ್ಯಕ್ರಮ ರೂಪಿಸಲಾಗಿದೆ. ಅಂದು ಸಂಜೆ 5 ಗಂಟೆಗೆ ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷ ಶ್ರೀನಿವಾಸ ದಾಸಕರಿಯಪ್ಪ ಕಾರ್ಯಕ್ರಮ ಉದ್ಘಾಟಿಸುವರು. ಸುನೀಲ್ ಮೈರಾ ಪ್ರಾಸ್ತಾವಿಕ ಮಾತನಾಡುವರು. ಪಾಲಿಕೆ ಮಹಾಪೌರ ಬಿ.ಹೆಚ್.ವಿನಾಯಕ ಪೈಲ್ವಾನ್ ಅಧ್ಯಕ್ಷತೆ ವಹಿಸುವರು
ಮುಖ್ಯ ಅತಿಥಿಗಳಾಗಿ ಬಿಜೆಪಿ ರೈತ ಮೋರ್ಚಾದ ಜಿಲ್ಲಾಧ್ಯಕ್ಷ ಲೋಕಿಕೆರೆ ನಾಗರಾಜ್, ಡಿ.ಎಲ್. ಶಿವಪ್ರಕಾಶ್, ಸವಿತಾ ಮಲ್ಲೇಶ್ ನಾಯ್ಕ, ಶಿವಗಂಗಾ ಬಸವರಾಜ್, ಮುದೇಗೌಡ್ರ ಗಿರೀಶ, ಬಿ.ವೀರಣ್ಣ, ಶ್ಯಾಮ್ ಬಿ.ಟಿ.ಸಿದ್ದಪ್ಪ, ಕಲ್ಲಳ್ಳಿ ರುದ್ರೇಶ್ ಶ್ಯಾಮನೂರು, ಸುರೇಶ್ ಪೈ, ತೋಟದ ಬಸವರಾಜ್, ಜೆ.ಎನ್.ಶ್ರೀನಿವಾಸ್, ಹಾಲೇಶ್ ಇತರರು ಆಗಮಿಸಲಿದ್ದಾರೆ ಎಂದು ತಿಳಿಸಿದರು.
ವಿಶೇಷ ಆಹ್ವಾನಿತರಾಗಿ ಪ್ರವೀಣ್ ಹುಲ್ಮನಿ, ಡಾ.ವಿಜಯಲಕ್ಷ್ಮಿ ವೀರ ಮಾಚಿನೇನಿ, ಡಾ.ಉಮೇಶ್, ನಾಗರಾಜ್, ಡಾ.ಎಂ.ಪ್ರಭು ಬಿಸಲೇರಿ, ಶಂಕರ್ ಗೌಡ ಪಾಟೀಲ್, ಯು.ಜಿ.ಶಶಿಧರ್, ಅಭಿಷೇಕ್, ಶುಭ ಐನಳ್ಳಿ ವಿಶ್ವ ಪ್ರಕಾಶ್ ಆಗಮಿಸಲಿದ್ದಾರೆ ಎಂದು ಮಾಹಿತಿ ನೀಡಿದರು.
ಸುದ್ದಿಗೋಷ್ಟಿಯಲ್ಲಿ ವಿರೂಪಾಕ್ಷ ಆರನೇಕಲ್ಲು, ಮಂಜುನಾಥ್, ಮಂಜುನಾಥ್ ಬಂಡೆ, ಮಂಜುನಾಥ್ ಸ್ವಾಮಿ, ಅರ್ಪಿತ್ ಇತರರು ಇದ್ದರು.
